ហេតុផល ជីវិត - [Cambo Page - ខេមបូ ផេក]

ហេតុផល ជីវិត

រថភ្លើងធ្វើដំណើរទៅបាន អាស្រ័យលើគន្លងរបស់វា។ ជីវិតមនុស្សយើង ក៏ដូចគ្នា មានគន្លងជីវិតរៀងខ្លួន។ យើងមិនអាចបង្ខំនរណាម្នាក់ឲ្យមានដំណើរជីវិតដូចយើងបានទេ ព្រោះមនុស្សម្នាក់ មានរឿងនិទានជីវិតមួយ។

ផ្កាទោះស្រស់ស្អាតយ៉ាងណា ក៏វាគង់តែរុះរោយ។ មានន័យថាលើលោកនេះគ្មានអ្វីជាអមតៈទេ។ ដូចនេះ សួរខ្លួនឯងទៅមើល តើមានអ្នកណាចៀសរួចពីគន្លងនេះទេ?

អត់មានការជួបជុំណា នៅជានិរន្តរ៍ឡើយ ព្រោះដំណើរជីវិតតែងមានការផ្លាស់ប្តូរតាមសភាពរបស់វា។

សាកស្រម៉ៃបន្តិចទៅមើល បើលោកនេះមានរបស់តែមួយប្រភេទ តែវាអាចស្រស់ស្អាតដូចយើងឃើញរាល់ថ្ងៃទេ។ ឃ្លានេះចង់សង្កត់ធ្ងន់ថា ជីវិតទាល់តែមានគ្រប់រសជាតិទើបមានន័យ។

ដោយៈ មហិច្ឆតា ក្អែកខ្មៅ