ប្រវត្តិត្រួសៗ កីឡាករបរទេសទាំង ៥រូបរបស់វិសាខា - [Cambo Page - ខេមបូ ផេក]

ភ្នំពេញ៖ ក្លឹបបាល់ទាត់វិសាខា បានធ្វើការបង្ហាញសមាសភាពកីឡាករបរទេសរបស់ខ្លួន ៥រូបជាផ្លូវការ នៅថ្ងៃប្រកួតបើកឆាក នៃលីគកំពូលកម្ពុជា រដូវកាល២០១៩ សប្តាហ៍ទី១។

សមាសភាពកីឡាករបរទេសទាំង ៥រូបនេះ គឺមានមកពីតំបន់អ៊ឺរ៉ុប ២នាក់ អាស៊ី ២នាក់ និងអាមេរិកឡាទីន ១នាក់ផងដែរ ដោយក្នុងចំណោមនោះ កីឡាករកូរ៉េខាងជើង Park Song Chol គឺជាសមាជិកចាស់ ដែលបានបន្តកិច្ចសន្យាថ្មី ស្របពេលដែល ៤នាក់ផ្សេងទៀតជាសមាជិកថ្មីទាំងស្រុង។

កីឡាករទាំង ៥រូបនោះមានដូចជា៖

ទី១៖ កីឡាករ Skraparas Evangelos ( លេខ៩៩ ) កូនកាត់ក្រិច-អាល្លឺម៉ង់ តួនាទីជាខ្សែបម្រើ កីឡាកររូបនេះបានផ្ដើមលេងបាល់ទាត់ លើទឹកដីអាល្លឺម៉ង់ ជាមួយក្រុមយុវជនក្លឹប Bayon 04 Leverkusen Youth តាំងពីឆ្នាំ២០០០ ហើយបានវិវត្ដន៍ខ្លួនក្លាយជាកីឡាករអាជីព និងបានលេងឲ្យក្លឹបអាល្លឺម៉ង់ជាច្រើន ចាប់ពីឆ្នាំ២០០៨ ដល់ឆ្នាំ២០១៥ ដូចជាក្លឹប Wupertaler SV U19, ក្លឹប VFB Huls, ក្លឹប Westfalia Herne, ក្លឹប FC Kray, ក្លឹប Tus Ennepetal និងក្លឹប Malchower ជាដើម។ Skraparas ក៏ធ្លាប់ប្រកបអាជីពនៅលីគវៀតណាម ផងដែរ និងចុងក្រោយលេងឲ្យក្លឹប SPORTUL SNAGOV លីគទី២ រ៉ូម៉ានី។

ទី២៖ កីឡាករ Park Song Chol ( លេខ៩ ) សញ្ជាតិកូរ៉េខាងជើង ត្រូវបានក្លឹបកីឡាបាល់ទាត់វិសាខា បន្ដកិច្ចសន្យាថ្មី បន្ទាប់ពីបានរួមចំណែកជួយក្លឹបឲ្យទទួលបានចំណាត់ថ្នាក់លេខ៣ នៃលីគកំពូលកម្ពុជា កាលពីរដូវកាលមុន។

ទី៣៖ កីឡាករ Da Cruz Guadiano Eliel ( លេខ៣១ ) សញ្ជាតិប្រេស៊ីល តួនាទីជាខ្សែប្រយុទ្ធ បានចាប់ផ្ដើមអាជីពបាល់ទាត់ជាមួយក្រុមយុវជន Parana FC នៅឆ្នាំ២០០៧ តែ ១ឆ្នាំក្រោយមកគេ បានក្លាយជាកីឡាករកម្រិតអាជីព ហើយបានលេងឲ្យក្លឹប ក្នុងប្រទេសកំណើតជាច្រើន​ ដូចជាក្លិប Rondonopolis, ក្លឹប Cristal FC, ក្លឹប Cianorter, ក្លឹប Nacional និងក្លឹប Uberaba ជាដើម ។ ចំពោះក្លឹបក្រៅស្រុក ដែល CRUZ ធ្លាប់លេង រួមមានក្លឹប Sportivo Luqueno (ប៉ារ៉ាហ្គាយ) ឆ្នាំ២០១០។ ក្លឹប Perak FA (ម៉ាឡេស៊ី) ឆ្នាំ២០១៣-២០១៤។ ក្លឹប Busaiteen (ប៉ារ៉ែន) ឆ្នាំ២០១៤-២០១៥ ។ ក្លឹប UiTM (ម៉ាឡេស៊ី) ឆ្នាំ២០១៥-២០១៦។ ក្លឹប Nakhon Pathom United (ថៃ) ឆ្នាំ២០១៦ និងចុងក្រោយលេងឲ្យក្លឹប SPORTING CLUDE IDEAL (ព័រទុយហ្គាល់) ឆ្នាំ២០១៧-២០១៨។

ទី៤៖ កីឡាករ Masaaki Ideguchi ( លេខ២៨ ) សញ្ជាតិជប៉ុន មានតួនាទីជាខ្សែបម្រើ កីឡាកររូបនេះបានផ្ដើមអាជីពបាល់ទាត់ដំបូង ជាមួយក្រុមសាកលវិទ្យាល័យ Hannan នៅឆ្នាំ២០០៧-២០១០។ បន្ទាប់មកបានលេងឲ្យក្លឹប ដូចជាក្លឹប Yokohama(ជប៉ុន) ឆ្នាំ២០១១-២០១៤។ ក្លឹប Metre Gallery (ហុងកុង) ឆ្នាំ២០១៥ មុនផ្ទេរមកក្លឹបចាស់ Yokohama នៅចុងឆ្នាំ២០១៥។ ក្លឹប Hoang Anh Gia Lai (វៀតណាម) ឆ្នាំ២០១៧ និងចុងក្រោយលេងឲ្យក្លឹប FC OSAKA (ជប៉ុន) ឆ្នាំ២០១៨ លីគទី៤ជប៉ុន។

ទី៥៖ កីឡាករ Nikolov Luben Gueorguiev ( លេខ៩៧ ) សញ្ជាតិប៊ុលការី តួនាទីជាខ្សែការពារ ធ្លាប់ជាសមាជិកនៃក្លឹបជាច្រើន ក្នុងតំបន់អាស៊ាន ដូចជាឆ្នាំ២០១៥-២០១៦ លេងឲ្យក្លឹប Sisaket FC របស់ថៃ។ ក្លឹប Super Power FC (ថៃ) ឆ្នាំ២០១៧ និងចុងក្រោយលេងឲ្យក្លិប PKNP FC នៃលីគកំពូលម៉ាឡេស៊ី កាលពីឆ្នាំ២០១៨ ជាមួយ កែវ សុខផេង ផងដែរ។

រសៀលនេះផងដែរ កីឡាករបរទេសទាំង ៥រូបនេះ បូករួមជាមួយកីឡាករកម្ពុជា ក្រោមការដឹកនាំរបស់គ្រូបង្វឹក លោក ហុក សុជីវន្ត នឹងត្រូវបើកទ្វារកីឡដ្ឋាន វិសាខា របស់ខ្លួនទទួលស្វាគមន៍ ក្រុមមកពីទឹកដីអង្គរ សូលទីឡូអង្គរ ក្នុងជំនួបបើកឆាក នាវេលាម៉ោង ៣:៣០ នាទីរសៀល៕

 

ប្រភព:  Camsport

អត្ថបទ៖ ណារ៉ុង