សង្ខេបរឿង គ្រូបង្រៀនស្រុកស្រែ - [Cambo Page - ខេមបូ ផេក]

រឿង គ្រូបង្រៀនស្រុកស្រែ

ប្រភពរឿង៖ រឿងគ្រូបង្រៀនស្រុកស្រែមានប្រភពចេញមកពីដំណើរការតស៊ូនយោបាយរបស់គ្រូបង្រៀនមួយក្រុមនៅព្រៃទទឹង ខេត្តកំពង់ចាម ប្រទេសកម្ពុជា។

ប្រភេទ៖ ជារឿងប្រលោមលោកទំនើបបែបមនោគមវិជ្ជាសង្គមនយោបាយព្រោះខ្លឹមសារនៃរឿងមានទំនាក់ទំនងទៅនឹងការតស៊ូនយោបាយ

ចលនា៖ រឿងគ្រូបង្រៀនស្រុកស្រែស្ថិតក្នុងចលនាអក្សរសិល្ប៍ខេមរនិយម ព្រោះគោលគំនិតរឿងឆ្លុះបញ្ចាំងនូវទស្សនៈលោកិយខ្មែរតំណាងឲ្យទំនៀមទម្លាប់ប្រពៃណីខ្មែរសុទ្ធសាធ

ឥទ្ធិពល៖ សង្គមនិយម ព្រោះគោលគំនិតខ្លឹមសារបំផុសក្នុងផ្ទៃរឿងជាគំនិតជឿនលឿន

កាលកំណត់តែង៖ ១៩៥៧

អ្នកនិពន្ធ៖ លោក អ៊ឹម ថុក

រឿងគ្រូបង្រៀនស្រុកស្រែចែកជា១១វគ្គ

១ រកមិនជួប់                                    ២ ខ្សឹកខ្សួល                            ៣ ជួយគ្នានៅទាន់គ្រាក្រ

៤ កាត់វាលស្រែពេលយប់                 ៥ មធ្យោបាយផ្សេងៗ              ៦ ស្រីៗ

៧ លោកប្អូនរបស់ពូព្រឿង              ៨ គុកខ្មែរ                                ៩ ពេលចូលកង

១០ ហួសដូស                                    ១១ វ៉ាកងខែចេត្រ

តួអង្គក្នុងរឿង 

ក/ តួអង្គបុគ្គលិកសិក្សា

១ គ្រូចន្ទ ៖ នាយកសាសា

២ គ្រូម៉េង ៖ លេខាធិការ

៣ គ្រូម៉ៅ ៖ គ្រូបង្រៀន

៤ គ្រូវ៉ាត ៖ គ្រូបង្រៀន

៥ គ្រូថាន់ ៖ គ្រូបង្រៀន

៦ គ្រូផាន់ ៖ គ្រូបង្រៀន

ខ/តួអង្គរដ្ឋអំណាច 

១ មុយ ៖ ប៉ូលីស

២ ថីដោយ ៖ នាយប៉ូលីស

៣ ហ៊ីង ៖ ស្មៀន

៤ ក្រសួងអប់រំ

គ/ តួអង្គប្រជារាស្ត្រសុទ្ធសាធ

១ ពូហម ៖ កសិករ

២ សែម ៖ កសិករ

៣ ពូព្រឿង ៖ កសិករ

៤ ហ៊ន ៖ កសិករ

៥ នាងសន ៖ ក្មួយពូហម - កសិករ

៦ ខ្វាវ ៖ កសិករ

៧ ពូហម ៖ កសិករ

៨ អាចារ្យសម ៖ ព្រឹទ្ធាចារ្យ

៩ អន្ទិតឡឹង ៖ កសិករ

កំណត់សម្គាល់៖ ក្នុងចំណោមតួអង្គទាំងអស់ មានតួអង្គ៤នាក់ជាតួអង្គពិតគឺគ្រូបង្រៀនបីនាក់ និងប្រជាជនម្នាក់‌(១)។

១ គ្រូចន្ទ ៖ ឈ្មោះដលម ចន្ទ អុល

២ គ្រូម៉េង ៖ ឈ្មោះដើម ម៉េង ហ៊ាង

៣ គ្រូម៉ៅ ៖ ឈ្មោះដើម ម៉ី ផាត់ 

៤ ពូហម ៖ ឈ្មោះដើម លឿង ជាអតីតទាហាន និងការប៉ូរ៉ាំល់ត្រួតត្រាគូលីកម្មករសាធារណការ។

សង្ខេបរឿង៖

កសិករហមជាអតីតទាហានជើងក្រហម និងនាម៉ឺនតូចតាចក្នុងក្រសួងសាធារណការបានត្រូវប៉ូលីសតាមចាប់ខ្លួនដោយមូលហេតុគាត់ជាមេបំផុសបំផុលចលនាមហាជន ប្រជាជនឲ្យយល់ដឹងពីលទ្ធិប្រជាធិបតេយ្យ។ យល់ការណ៍មិនស្រួល និងដោយឯកភាពជាមួយសំណើយោបល់ពីមិត្តរួមចលនា បងហមក៏គេចខ្លួនមួយរយៈ។ ពេលគេចខ្លួនក្នុងរាត្រីនៅតាមផ្លូវ បងហមបានជួបសន្ទនាយ៉ាងច្រើនជាមួយអន្ទិតឡឹម និងអាចារ្យសែម ដោយរៀបរាប់បង្ហាញអំពីអំពើឃោរឃៅរបស់ពួកនាយទុនគ្រប់ប្រភេទ និងមាគា៌រៀបចំទម្រង់សង្គមឡើងវិញតាមទស្សនៈជឿនលឿនថ្មី។

សកម្មភាពបំផុសចលនាមហាជនប្រជាជននេះត្រូវបានធ្វើឲ្យគ្រូម៉ៅជាប់គុកអស់រយៈពេល២ខែ។ គ្រូបង្រៀនដទៃៗទៀតក៏ត្រូវតាមដាន និងត្រូវក្រសួងអប់រំផ្លាស់ចេញពីភូមិម៉ាស៊ីនស្រូវជាពិសេសចំពោះគ្រូចន្ទ គ្រូថាន់ និងគ្រូវ៉ាត។ វិធានការរបស់ក្រសួងដែលចង់បង្អាក់ចលនាមហាជន និងផ្តាច់ទំនាក់ទំនងជាមួយមហាជនពុំបានទទួលលទ្ធផលជាវិជ្ជមានទេ ពីព្រោះគ្រូផ្លាស់ថ្មីដែលមកជំនួសក៏មានទស្សនៈសង្គមដូចគ្រូមុនៗដដែល។ ក្រោយមកសុវត្ថិភាពក្នុងស្រុកព្រៃទទឹងក៏ប្រែជាមានសភាពធូរស្រាលឡើងវិញ ហើយអ្នកជាប់គុកនិងជាប់ពិរុទ្ធក៏ត្រូវរួចខ្លួន។

លុះដល់វិស្សមកាល ខែចេត្រ គ្រូចន្ទ គ្រូថាន់ គ្រូវ៉ាតក៏នាំគ្នាមកលេងភូមិម៉ាស៊ីនស្រូវវិញយ៉ាងសប្បាយរីករាយ។ គេបានពិភាក្សាគ្នាអំពីគោលគំនិត និងមធ្យោបាយផ្សេងៗសម្រាប់រៀបចំសង្គមឡើងវិញ ក្នុងទស្សនៈគោលជំហរជឿនលឿនដដែល។

ប្រធានរឿង៖ ដំណើររឿងដែលឃើញថាប្រធានរឿងទាក់ទងនឹងការតស៊ូ ដើម្បីទាមទារសិទ្ធិសេរីភាព និងប្រជាធិបតេយ្យ។

មូលបញ្ហា៖ សកម្មភាពតស៊ូបំផុសចលនាមហាជន និងវិធានការបង្ក្រាប និងរាំងស្ទះដល់ខ្សែរយៈចលនាមហាជន។

១/ សិក្សាអត្ថបទរឿងគ្រូបង្រៀនស្រុកស្រែ ថ្នាក់ទី១០ ឆ្នាំ ១៩៨៥

click here to view the text video:

........................................
ដឹកនាំដោយ : សូរ្យ សែនស្រណោះ សម្លេង និងកាត់ត : មហិច្ឆតា ក្អែកខ្មៅ ចាត់ចែងទូទៅ : សុំសោយ ពីគ្រុឌ ផលិតដោយ ​​​​​​​ : - [Cambo Page - ខេមបូ ផេក]